Royal Commission on Renewing and Strengthening Our Place in Canada

Nantuapatakanu tshipa eishi ussitshitshepantakanu kie tshetshi etitu shutshimukantakant eishi tshinueshkamak nte Canada

Tipatshimun unuipantakanu - Ushkau-pishum 4, 2002

Unuipantakanu ne tsheishi nantutshissentakant kie tsheishi uauitamuakaniht auentshent.

St. Jon’s, Nf: Ume utshimau Victor Young ishinikashu mak nenua uatshitussemat , Elizabeth Davis mak James Igloiorte, unuipantaut nenu tsheitatusseht tshetshi uauitamuaht auennua tan tshipa eishi tutakanu etitu tshetshi minupantakant ne eishi tshinueshkamak nte Canada.

Umenu minakanipant tshetshi itatusseht tshetshi nantuapatakau tan tshipa ishikaputakanu ne newfoundland mak Labrador eishi tshinueshkak nete Canada tshisheutshimat, tshika tshitapatamut nta eka shustshimikannit ne tshisheutshimau Newfoundland mak Labrador tshetshi tshinueshkuat nenua Utauat tshisheutshimaua eku tshishtataui tshika tutamut mishinaikannu nenu tshipa eishi tshinueshkuanu ne tshisheutshimau nete Utaua, Canada.

"Uapukun-pishum nta nitshitshepanitan ume atusseun, nishtam ume nitshitapatenan tan tsheishi tutamat tshetshi kassinu auentshent uauitamuakaniht kie ninatutuanant Newfoundlanders akaneshaut eissishuet kie Labradorians akaneshaut kie kutakat akaneshaut ute Canadians eukuiannu nenu eissishueht tshepashtautshi ne tshipa eishi pampintakanu ne kauauitamuakanit auentshent tshekuannu." issishueu Mr. Young. "Ume nitatishumukuitan tshetshi natitshit auentshent kie tshetshi kukuetshimitshit auentshent nenu tan tshipa eishi tutakanu tshetshi minupantakant ne eishi pimpanniak kie nete nikan aishkat tshetshi minupant kassinu tshekuan."

"Tshitshitapatenan ne Canada tan eishi tshinueshkimak kie mak tante uet shestshiniak nte Utauat tshisheutshimat nete nikan aiashkat, kie mishteminekash shtashikenan. Shash pitat tatunnu ashu nisht (53) tattuppunna eshpish tinikuiak nte mamu Canada, meshtiat shteshepempinikunan ntshent kutakat tshisheutshimaut eishipempaniakannit."

" Nte nipite etshitapatakant ne Newfoundland mak Labrador mishte minunakun. Tshimishte nikatauanut ntshent kutakat tshisheutshimaut ne eshpish kanuentamak tshekuan. Mishte mishau ne pimi meshkakant ute shtassinat kie ne ashini mitshetuiet eishinakuak, kie shash pisse tshitshepinua atusseunna ne peik tshatshipantakant atusseun White Rose pimi kameshakant mak nete Emesh Euashat ashini kamuneikant atusseun tshatshipantakant. Kie shash tshitshepanut innut mak aissimeut mak akaneshaut tshetshi minupanitut tshetshi uitshitussemetut.Shash mitshetut auentshent shutshenimitishuht kie tshitshue ui mishte atusseut tshetshi tutakau umenu shtassinannu nasht tshetshi mishte minupantaht.

Eku nte kueshtetshe ut etshitapatakant tshekuan, tshinan ute nikan uet mishtemitshetet auen eka etusseht kie tshinan ute uet mishte apishish kaniunanut etussanutshi.Nutepinu ne tshistsheutshimaminu shunianu tshetshi pimpinitak miam nete kutakat tshisheutshimaut eishi pimpintaht tshekuannu, kie tshinan uet anu mishte tshishikuak ne tshisheutshimau. Mishte mishinaitsheu ne tshistsheutshimaminu. Apu tshi takut taiak at mak ne shuniau eshpish pittepant ute ne pimi eshpish shuniatshepant.

"Kanutimeshanut eiat apu shuk minupant, muk apishish shuniatshepanu ne ashatsheu kanutshikuakant.Kie ne eshpish atisseht akaneshaut nete eiatissit etuteht tshetshi nantuatusseht muk aiashk apu ishpish mitshetimnanut nashukupinu nene kaishpish mitshetinanut ute Newfoundland. Mishte nutepinu atusseun ute Newfoundland mak ute Labrador.

"Eku ume ua eishi tutamat tshetshi nantutshissentamat kie tshetshi uauitamutshiht kassinu auentshent ne tsheishi tutamat tshetshi mishkutshipantakant ne eishipimpant anutshi atuisseun tshetshi ettu mitsheki atusseunna."

Ume nashuk kuauitakanua eukuan ume tsheitatusseiat. Eukuan ume eshtitet ne nimishinaikannan tshetshi itatusseiat nishten ne tshekuan tsheitatusseiat;

1. Kauauitamuakaniht auentshent: Tsheuauitamuakannitht auentshent nenu tsheitatusseutshit. Ushkau-pishum ishkuaiet 30, etshishtauakant ekuta nta tsheut tshitshepaniat euauitamutshit auentshent kassinu ute Newfoundland mak nete Labrador. Nikan ume tshiuitamakunau tshetshi etitu minupant euauitamek tshekuanna ume mishinaikan anutshish uenuipantakant.

2. Mistshuakant kauashkapinanut: Tshika uishamakanut auentshent tshetshi uashkapiht nta mistshuakant tshetshi uauitakau muk eshinakunnit tshekuannu ua uauitakau. Muk eshinakuak tshekuan ne eka menuentamikuiek tshika minikunau tshetshi uauitamek.

3. Kanantutshissentakant tshekuan: tshika minakanut ntshent kamishte tshishkutamashuht tshetshi nantutshissentakau tshekuanu nenu tshipa uauitshikuht ntshent Royal Commission kie tshika uitatussemeut nenua Memorial University katshishkutatshentshi.

"Nenua keneshtinui tshekuanna uta kuauitakanui eukuan ne tsheui eishi tutamak ume atusseun manikuiat tshetshi tutamat," issishueu Mr. Young. "Tshitshue nitashitshentenan ume tshetutamat atusseun nitututshiht auentshent tsheuauitakau nete nikan tsheishinakunnit tsheishi pimpanitishuht."

Ne Newfoundland mak Labrador tshisheutshimau unuipantapan eimunnu ume tshetutuakannit Royal Commission tshetshi tutakant etitu tshetshi shustshimikak eishi nishtuapamukuiak nte Canada.unuipantakanipan ume eimun Uenishk-pishum 19,2002, tshisheutshimau umenu uitamupan. Nissi-pishum 19, 2002, eukuta utinakanipant ntshent Commissioners, Vic Young, (utshimau) Kaiishteu-kupeshkueu Elizabeth Davis mak Kaimit James Igloliorte, mak Barbara knight, pittu utshimau nte tshisheutshimat uetshimakatakant nenu Royal Commission, uitakanipan. Ntshent Commissioners tshitshepanipant eatusseht Uapukun-pishumua 3, 2002 etshishtauakannitshi.

Ume Royal Commision shash tshikaui tshishtaut nenu umishinaikanuau nenu eshpish uauitamuakaniht kie tshika unuipantaut umishinaikanuau Uapukun-pishumua 30, 2003.

Etitu ui minutshissentameku ume Royal Commission tshepet pitshiek ute Website ume etishtet Kasinu nta tshekuan tshika uauitamakun pitsheini ume, kassinu eshpish eitatushkanut ne Royal Commission tshika uauitamakun tshekuan.

Minuat etitu ui ntupetamini ume Royal Commission, tshepet eimiek ume ishkueu Ms. Jacquie Brown ute Royal Commission:

Kaiminanut etishtet:(709) 729 - 3200 Fax: (709) 729 - 3539

E-mail: mailbox@royalcomm.gov.nf.ca